గర్వభంగం

అయోధ్య లోని అంతః పుర
అందాల గురించి
పురాణాల్లో విన్నప్పటి కంటే
ఇంకా అందంగా గంభీరంగా
మన ముందుంచినప్పుడు

పురాణాలు చదివినప్పుడు విన్నప్పుడు
కనపడని రాముని కరుణ కళ్ళముందు కనిపించినప్పుడు

పెనిమిటి దూరం పెట్టినా
పిల్లలను పెంచిన విధం చూసినప్పుడు

అంతకు మించి
పద్యాలు గ్రాంధికము లేకుండా
తేట తెలుగులో
అద్భుత దృశ్య శ్రావణ కావ్యంగా
మనముందు బాపు గారు
నిలబెట్టిన విధం చూసి
నిలువెల్లా పులకించాం
ఈ రోజుల్లో ఏ భాష లో ని ప్రజలకూ
ఇలాంటి దృశ్య కావ్యం దక్కనందుకూ
మనకే దక్కినందుకూ
తెలుగు వాళ్ళుగా పుట్టినందుకు గర్వపడ్డాం

ఇంకా ఆ భ్రమల్లో ఉన్నంగానే
మనతో వ్యాపారమే లక్ష్యంగా
ఎన్నడూ వినని భూతులతో
అత్యధిక బీప్ శబ్దాలతో
మన తెలుగు వాళ్ళే
ఓ సినిమాతో సాంస్కృతిక దాడి చేసి
కళం కనిపెట్టాక ఇలాంటి సంభాషణలు
రాయబడలేదని పొగుడుతున్న
దర్శక బాషా రాయభారుల పొగడ్తలు
వచ్చిన వసూళ్లతో పొంగిపోతున్న వ్యాపారులు
వ్యాపారస్తులు అని చెప్పుకోవాలి
మేము కళామ తల్లి బిడ్డలం
అగ్ర నటులం అని చెప్పుకొనే అర్హత లేదు
సినిమా అనేది వ్యాపారం తో ముడిపడి వుండ వచ్చు
కానీ బాష కనుమరుగవుతూ
విలువలే తప్పటడుగులు వేస్తున్న సమాజాన్ని
కొంతైనా ప్రభావితం చేసే సినిమాని
తీస్తున్నామనే సృహ లో వుండాలి
లేని నాడు లేని అగ్రత్వం ఆపాదించుకొన్నా
హాస్యానికి అసహ్యానికి కథా వస్తువులవుతారు
కథానాయకులు దర్శకులు కాబోరు.