మరో ఆంధ్రా అన్న

బ్లడ్ బ్యాంకు పెట్టి బడాయి పోయి
మెగా స్టారు కాబట్టి మరో ఆంధ్రా అన్నను చేస్తారని ఆశ పడి
మేక పోతూ గాంభీర్యంతో వచ్చినా
సేవా బిరుదులూ అభిమానులు ఇస్తే
మేమెందుకు ఆ అర్హతల చూసి అందలం ఎక్కించాలని
ప్రజలు ఇచ్చిన కొద్దిపాటి పాలక వ్యతిరేక తీర్పును కూడా
ప్రజా సేవ అంటూ హస్తిన అధినేత్రి పాదాల చెంత పెట్టి
పదవులకోసం ప్రదక్షిణాలు చేసి
ఊది కూడా దొరక్క ఊసురోమనే వేళ
ప్రతిపక్ష అవిశ్వాసం ఇచ్చిన ఉత్సాహంతో
అలక పాన్పు సీనులతో రక్తి కట్టించి
వీధి ఇస్తరయిన అధికారం కోసం
తనూ పావవుతూ ఎగబడుతూ వున్న
చిరంజీవికి సాటి కథానాయకుడు చిన్న పిల్లాడుగా
కనిపించడం లో విడ్డూరం ఏమీ లేదు

అన్న వారసత్వం వచ్చినా
సినిమాలలో సింహా గా ఉంటున్నా
ఆ పార్టీకి కార్యకర్తగా వస్తానని
ఎక్కడ పోటీ చేయమంటే చేస్తానని
తన పేరుకు తగినట్టే బాలయ్యగా తన
రాజకీయ గమ్యం గురించి చెప్పిన బాలయ్యను
చిన్న పిల్లాడు గా చిరంజీవి చెబుతున్నాడు

అన్న వారసత్వం ఇదే చిరంజీవికి
వచ్చి వుంటే ఓ సారి ఊహించండి
మన ఊహా జీవి ఇంకెంత ఊగిపోయి ఉండేవాడో

తెరపై సంపాదించిన పేరు
రోజు రోజు కూ ఖర్చు పెడుతూ వున్న
చిరంజీవి కొద్దో గొప్పో మిగిలిన పేరును
కొంచమయినా అట్టి పెట్టుకోవాలని
కోరుతున్న అభిమానులు కోకొల్లలు