పార్టీకి ప్యాక్షనిస్టు నాయకుడు కావాలి

క్రమశిక్షణ తప్పి కళావిహీనమౌతున్న పార్టీకి
పక్షపాతంతో అనుచరులనే అందలం ఎక్కించినా
మిత్రులుగా పక్క రాష్ట్రాల్లో వేరే పార్టీ లో ఉన్న ఘనులకు మొదటి బంతికి పిలిచి ఘుమ ఘుమ లాడే వంటకాలతో వడ్డించినట్లు కరువు తీరా ఎకరాలకు ఎకరాలు భూములు, గనులు హద్దులు చెరిపి వడ్డించినా
ప్రత్యర్ధులను పనికరాకుండా చేసినా
కుటుంబ సభ్యులను వ్యాపార సామ్రాట్టుల జాబితాలో అగ్రస్థానాలకు పోటీ చేయించినా
ఆది అంతం లేని అవినీతినీతితో అలరిస్తున్నా
ఆధ్యాత్మిక ముసుగులో కుటుంబ సభ్యులు విదేశీ నిధులు కొల్లకొడుతున్నా
ఏక పక్షంగా ఏమి చేసుకున్నా
అధిష్టానం అచ్చెరువుతో చూసేలా
వృద్ధ నాయకులు ఉలుకూ పలుకు లేకుండేలా
నాయకుల నసుగుడు లేకుండా
కార్యకర్త కిమ్మని ఉండేలా
తనకు తాను ప్రత్యర్ధులను పరిహసిస్తూ పాలించే
ప్యాక్షనిస్టు నాయకుడు కావాలి
షరతు : మునగదీసి పడుకొని నిదుర పోతున్నా అధిష్టానం అని వినపడితే ముకుళిత హస్తాలతో నమస్కరించే నమ్మకస్తులు కావాలి.