సన్నివేషాలు

సినిమాల్లో రౌడీలు ప్రత్యర్ధులను భయబ్రాంతులను చేయడానికి పబ్లిక్లో బట్టలూడదీసే సీన్లు మనం ఎన్నో సిన్మాల్లో చూసాం. అచ్చు అలా ప్రత్యర్ధులను బట్టలూడదీసి కొడతాం అనే వాఖ్యలు మన హీరో చిరంజీవి పెట్టిన పార్టీ నాయకులనుండి వింటున్నాం. ఇంతకు ముందు హీరో అభిమానులు కొందరు పబ్లిక్ గా కొట్టి చూపించారు. పురుషులను అయితే పంచలూడగొడతాం అని బెదిరిస్తారు . నెక్స్ట్ సీన్లో పంచన చేరి పోవడానికి సిద్దం అయిపోతారు. బట్టలూడదీసికొని కొట్టించుకొనే వాళ్ళు కూడా బాధపడకుండా నెక్స్ట్ సీన్లో వాళ్ళ ఆదరాభిమానాలను చూసిన తరువాత ఆవేశపడాలి అని మనవి. సినిమాల్లో అయితే రౌడీలు, విలన్ల కోసం దర్శకులు ఈ సీన్లను పెడుతారు. మన కథానాయకుడి సారధ్యంలో నడుస్తున్న పార్టీల్లో నాయకులు ఇలాంటి సన్నివేశాలను డైలాగ్ లతో రక్తి కట్టిస్తూ బుల్లితెరలను అలరిస్తున్నారు. పేరుకే దర్శకుడైన కథానాయకుడి కంట్రోల్ లేకుండా వచ్చే ఇలాంటి డైలాగ్ లతో, అప్పుడప్పుడూ సమాధానం చెప్పలేని ప్రత్యర్ధుల ప్రశ్నలకు గాందీ గిరీ అంటూ పూలు పంపే సన్ని’వేషాల’తో, సొంత పార్టీ ఆఫీస్ ముందరే ధర్నాలు చేసుకొనే విన్నూత్న సన్ని’వేషాల’తో మార్పు చూపెడుతున్న మరియు మారడానికి సదా సిద్దంగా ఉన్న రాజ్య నేత మమ్ములను మరికొంత కాలం రంజింపజేయుటకు విలీనాలకు వేసే ఉచ్చుల పాలబడకూడదని మా మనవి.